იემენში სახელისუფლო ძალებთან შეტაკებების შედეგად 25 მეამბოხეა ლიკვიდირებული

იემენის დასავლეთში სახელისუფლო ძალებთან შეტაკებების შედეგად, სულ მცირე 25 მეამბოხე ჰუსიტია ლიკვიდირებული, 16 დაჭრილი, 8 კი ტყვედ აყვანილი, - ამის შესახებ ტელარხი Sky News Arabia იუწყება.

ტელეარხის ინფორმაციით, მეამბოხეებსა და იემენის შეიარაღებულ ძალებს შორის ბრძოლები ქვეყნის დასავლეთ ნაწილში გრძელდება. ჰაერიდან იემენის სახელისუფლებო ძალებს მხარდაჭერას არაბული კოალიციის ძალები უწევენ.

შეგახსენებთ, რომ 13 დეკემბერს Sky News Arabia იემენში 22 მეამბოხე ჰუსიტის განადგურების შესახებ იუწყებოდა.