პარლამენტის იურიდიულ საკითხთა კომიტეტის თავმჯდომარე ეკა ბესელია ვარაუდობს, რომ მთავრობისთვის ნდობის გამოცხადების საკომიტეტო მოსმენები ხვალ დასრულდება, რის შემდეგაც პროცესი სასესიო ფორმატში გადაინაცვლებს. როგორც ეკა ბესელიამ ჟურნალისტებს განუცხადა, მთავრობისთვის ნდობის გამოცხადების პროცესი არის ერთ-ერთი ყველაზე მნიშვნელოვანი პროცესი პარლამენტისთვის და თვითონ მთავრობისთვისაც.

"დღეს დილიდან იწყება კომიტეტებში განხილვები და დაყოფილია ოთხი რგოლი თემატურად, დარგების მიხედვით. მინისტრები წარმოადგენენ თუ რას გეგმავენ და რის განხორციელებას აპირებენ. ჩვენ ვფიქრობთ, რომ ხვალ დავასრულებთ კომიტეტებზე და პოლიტიკურ ჯგუფებში მთავრობისთვის ნდობის გამოცხადების საკითხს და შემდეგ ეს პროცესი გადაინაცვლებს ქუთაისში, სასესიო ფორმატში",- განაცხადა ბესელიამ.