თურქეთის პრეზიდენტის პრესმდივანი, იბრაჰიმ ქალინი აშშ-შ მიერ გაერო-ს უშიშროების საბჭოს სხდომაზე იერუსალიმის საკითხთან დაკავშირებით რეზოლუციის პროექტზე ვეტოს დადებას ეხმაურება.
„ამარიკის შეერთებული შტატების ხელისუფლება ჯერ კიდევ ვერ აცნობიერებს საკუთარ შეცდომას, მიუხედავად საერთაშორისო საზოგადოების მრავალი მოწოდებისა, არ უარყობს საკუთარ მცდარ გადაწყვეტილებას. ეს დასაფიქრებელია“, - აცხადებს თურქეთის პრეზიდენტის პრესმდივანი, იბრაჰიმ ქალინი.
მისი თქმით, 21 დეკემბერს გაერო-ს გენერალური ასამბლეის სხდომა გაიმართება, სადაც ამ საკითხთან დაკავშირებით კენჭისყრა გაიმართება.
როგორც ცნობილია, აშშ-მ ეგვიპტის მიერ წარმოდგენილი რეზოლუცია დაბლოკა. ამ რეზოლუციას უშიშროების საბჭოს 14-მა წევრმა ქვეყანამ დაუჭირა მხარი.