პარლამენტის თვითმმართველობისა და რეგიონული პოლიტიკის კომიტეტის თავმჯდომარის პოსტზე რამდენიმე კანდიდატურა განიხილება

პარლამენტის თვითმმართველობისა და რეგიონული პოლიტიკის კომიტეტის თავმჯდომარის პოსტზე რამდენიმე კანდიდატურა განიხილება.

„ინტერპრესნიუსის“ ინფორმაციით, განსახილველ კანდიდატებს შორის არიან: გოგა გულორდავა, გელა სამხარაული და მერაბ ქვარაია. თუმცა პარლამენტში არსებული ინფორმაციით, განიხილება სხვა კანდიდატებიც.

პარლამენტის ადგილობრივი თვითმმართველობის კომიტეტის თავმჯდომარის პოსტი ვაკანტური მას შემდეგ გახდა, რაც კომიტეტის ხელმძღვანელმა გრიგოლ ლილუაშვილმა პარლამენტიდან სახელმწიფო უსაფრთხოების სამსახურში გადაინაცვლა.