„ენერგო-პრო ჯორჯია“ - რუსთავში, ,,ენერგო-პრო ჯორჯიას“ ქსელში, წუხელ ავარია არ მომხდარა
რუსთავში, სს ,,ენერგო-პრო ჯორჯიას“ ქსელში, წუხელ ავარია არ მომხდარა, - ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
სს ,,ენერგო-პრო ჯორჯია“ პირველ რიგში მწუხარებას გამოთქვამს წუხელ, რუსთავში, ხანძრის შედეგად დატრიალებული ტრაგედიის გამო და სამძიმარს უცხადებს გარდაცვლილების ოჯახებს.
„დღეს დილით, რუსთავში, ხანძრის ადგილას იმყოფედნენ ,,ენერგო-პრო ჯორჯიას" წარმომადგენლები, რომლებმაც დაათვალიერეს სატრანსფორმატორო ქვესადგურის და შენობის ძალოვანი გამანაწილებლის მოწყობილობები, დაზიანება არსად არ ფიქსირდება. ასევე ადგილი არ ქონია ძაბვის ცვალებადობას კომპანიის ქსელში, აბონენტებს ელექტროენერგია სტაბილურად და გამართულად მიეწოდებოდა. ხანძრის გამომწვევ მიზეზს გამოძიება დაადგენს, თუმცა იმის გათვალისწინებით, რომ ,,ენერგო-პრო ჯორჯიას" ქსელში ავარია არ მომხდარა, ხანძრის წარმოშობა არ უკავშირდება კომპანიის ქსელის დაზიანებას“, - აცხადებენ კომპანიაში.
რუსთავში, საცხოვრებელ კორპუსში გაჩენილი ხანძრის შედეგად სამი ადამიანი დაიღუპა.
