ციციშვილის კლინიკის სამედიცინო დირექტორი - 11 წლის გოგონას მკურნალობაში თბილისის ყველა კლინიკის წამყვანი სპეციალისტები იყვნენ ჩართული

11 წლის გოგონას მკურნალობაში ჩართული იყვნენ არა მხოლოდ ციციშვილის, არამედ თბილისის ყველა კლინიკის წამყვანი სპეციალისტები, - ამის შესახებ ჟურნალისტებს ციციშვილის სახელობის ბავშვთა კლინიკის სამედიცინო დირექტორმა, მედიცინის დოქტორმა, მაია ჩხაიძემ განაცხადა.

მისი თქმით, პაციენტი კლინიკაში 25 ნოემბერს, პნევმონიის დიაგნოზით შეიყვანეს.

"პაციენტი 25 ნოემბერს შემოიყვანეს პნევმონიის, ასევე ვირუსული მონონუკლეოზისა და თანხმლები დაავადების - დაუზუსტებელი ეპილეფსიის დიაგნოზით. პაციენტის მკურნალობა პირველივე დღიდან დაიწყო როგორც საერთაშორისო, ისე ადგილობრივი „გაიდლაინებით“. მკურნალობის გადაწყვეტილების ყველა ნაბიჯზე ჩართული იყვნენ მშობლები. ბავშვი გადაყვანილი იყო რეანიმაციულ განყოფილებაში, რადგან მას აღენიშნებოდა შერეული ინფექცია, როგორც ბაქტერიული, ისე ვირუსული. პაციენტს განუვითარდა ანთებითი სინდრომი, ამის შემდეგ პოლიორგანული უკმარისობა და ამის შემდეგ მივიღეთ სავალალო შედეგი - პაციენტის სიკვდილი", - განაცხადა ექიმმა.

მისი თქმით, ბავშვის ყველა ორგანო დაზიანებული იყო და ამ ყველაფრის გამშვები მექანიზმი იყო ინფექცია როგორც ვირუსული, ასევე ბაქტერიული.

"კვლევების პროცესში ჩართული იყო დაავადებათა მართვის ეროვნული ცენტრი, იქაც ჩატარდა კვლევები. პაციენტის მკურნალობა სახლშივე იყო დაწყებული, სამი დღე უკეთდებოდა აბტიბიოტიკი, არ იმოქმედა და ამის შემდეგ დაწვა ჩვენს კლინიკაში. შემოსვლისთანავე პირველი დიაგნოზი დადგენილი იყო. ბავშვი მართვით სუნთქვაზე იმყოფებოდა. ბავშვის მკურნალობის პროცესში ოჯახი თავიდან ბოლომდე იყო ჩართული, ყველა კვლევაზე და ანალიზზე ჰქონდათ წვდომა, შეეძლოთ ნებისმიერი სხვა სპეციალისტისთვის ეჩვენებინათ ყველაფერი", - აღნიშნა მაია ჩხაიძემ.

ციციშვილის კლინიკაში 11 წლის გოგონა გუშინ გარდაიცვალა.

ექიმი: "ბავშვის ყველა ორგანო დაზიანებული იყო"

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში