პარლამენტის დარგობრივი ეკონომიკისა და ეკონომიკური პოლიტიკის კომიტეტის სხდომაზე სემეკში ორ ვაკანტურ თანამდებობაზე წარდგენილ გოჩა შონიასა და დავით ნარმანიას კანდიდატურებს ერთსულოვნად დაუჭირეს მხარი.

გოჩა შონიასთან დაკავშირებით ხაზი გაესვა მის საქმიანობას ენერგეტიკისა და წყალმომარაგების მარეგულირებელ კომისიაში. აღინიშნა, რომ თუკი ვინმეს შეუძლია გააკეთოს ის, რაც ენერგეტიკის მარეგულირებელ კომისიას მოეთხოვება, არის სწორედ გოჩა შონია.

დავით ნარმანიასთან მიმართებით კომიტეტის წევრებმა ყურადღება მის ბოლო თანამდებობაზე - თბილისის მერის პოსტზე ყოფნის პერიოდზე გაამახვილეს. როგორც ამ კონტექსტში ითქვა, ნარმანიამ ბევრი რამ გააკეთა, მან აჩვენა საკითხის კარგად შესწავლისა და გადაწყვეტის უნარი.

ენერგეტიკისა და წყალმომარაგების მარეგულირებელი კომისიის წევრები პარლამენტმა უნდა დაამტკიცოს.