გიორგი კვირიკაშვილი - აზიური ფაროსანა არის გამოწვევა, რომლის მასშტაბებიც არის უპრეცედენტო, არნახული და ვნახოთ, როგორი იქნება გაზაფხული

აზიური ფაროსანა არის გამოწვევა, რომლის მასშტაბებიც არის უპრეცედენტო, დღემდე არნახული და ვნახოთ, როგორი იქნება გაზაფხული, - ამის შესახებ პრემიერ-მინისტრობის კანდიდატმა გიორგი კვირიკაშვილმა საპარლამენტო უმცირესობის სხდომაზე განაცხადა, სადაც ის სამთავრობო პროგრამას წარადგენს.

„ძალიან მნიშვნელოვანია საუბარი გამოწვევებზე და ეს არის, რა თქმა უნდა, აზიური ფაროსანა, რომელიც არ ვიცით, რა სიურპრიზებს მოგვიტანს 2018 წელს. ჩვენ ამისთვის საგულდაგულოდ ვემზადებით. 2017 წელს სამინისტრომ გააკეთა მაქსიმალური, რაც შესაძლებელი იყო ამ მიმართულებით, მაგრამ კიდევ ერთხელ ვამბობ, ეს არის გამოწვევა, რომლის მასშტაბებიც არის უპრეცედენტო, დღემდე არნახული და ვნახოთ, როგორი იქნება გაზაფხული, ყოველ შემთხვევაში, ჩვენ მომზადებული უნდა დავხვდეთ ამ გამოწვევას“, - განაცხადა კვირიკაშვილმა.