ბათუმის "დინამო" იყიდება,- ამის შესახებ ინფორმაცია გაზეთ "ლელოში" გავრცელდა. აღნიშნული ინფორმაციის გადასამოწმებლად Sportall.ge „დინამოს“ პრეზიდენტს ოთარ ფედიჩკინს დაუკავშირდა.

მისივე თქმით, კლუბის ყიდვაზე ბათუმის მერიაში განაცხადი შეტანილი აქვს ბიზნესმენ აიეტ კუკავას.

"აიეტ კუკავას კლუბის ყიდვაზე ბათუმის მერიაში განაცხადი შეტანილი აქვს. საუბარი მიმდინარეობს და ჯერჯერობით არ ვიცით, რა იქნება. არ ვიცით, ვინ იქნება მწვრთნელი, ყველაფერი ახალი წლის შემდეგ გადაწყდება. ერთი იმის თქმა შემიძლია ამ ეტაპზე, რომ ბათუმის "დინამო" მომავალ სეზონში საკუთარ სტადიონზე ითამაშებს", - აღნიშნა ფედიჩკინმა.