გიორგი კვირიკაშვილი - მთავრობა შექმნის პლატფორმებს, სადაც ადამიანებს საშუალება ექნებათ ცივილიზებულად ისაუბრონ და მოგვაწოდონ ყველაზე კრიტიკული შენიშვნები

მაქსიმალურად უნდა შევძლოთ ჩვენი საზოგადოების დეპოლარიზაცია, - ამის შესახებ საქართველოს პრემიერ-მინისტრმა გიორგი კვირიკაშვილმა საპარლამენტო უმრავლესობის სხდომაზე განაცხადა.

მისივე თქმით, მთავრობა შექმნის პლატფორმებს, სადაც ადამიანებს საშუალება ექნებათ ცივილიზებულად ისაუბრონ და მიაწოდონ ყველაზე კრიტიკული შენიშვნები. „უნდა შევძლოთ პოლიტიზაციის ხარისხი შემცირდეს საზოგადოებაში. უნდა შევძლოთ, რომ ჩვენი ქვეყნის მომავლის თემებზე ვესაუბროთ ახალგაზრდებსაც და საზოგადოების სხვა ფენებსაც, იმისთვის, რომ მათ იგრძნონ თავი ამ პროცესების მონაწილედ. ეს არის მნიშვნელოვანი და ეს იქნება ერთ-ერთი ქვაკუთხედი ჩვენი მთავრობის მომავალი მოღვაწეობის. 2018 წელს თქვენ ამას დაინახავთ. საზოგადოების მაქსიმალური ჩართულობა იქნება ჩვენი მთავრობის უმთავრესი მიმართულება და ქვაკუთხედი. ჩვენ შევქმნით პლატფორმებს, სადაც ადამიანებს საშუალება ექნებათ ცივილიზებულად ისაუბრონ, მოგვაწოდონ ყველაზე კრიტიკული შენიშვნები. მაგრამ კიდევ ერთხელ ვამბობ, რომ იმ ფორმით, რომელიც ცივილიზებულ საზოგადოებებშია მიღებული. სამწუხაროდ, ჩვენი სტანდარტები აქედან ძალიან შორს არის. ჩვენ უნდა დავამკვიდროთ დიალოგის სტანდარტი, საუბრის სტანდარტი და მაქსიმალურად მოვახერხოთ, რომ ეს წრე გავაფართოოთ. ჩვენ არ გვინდა მთავრობის მიმართ დითირამბები და ქება-დიდება, რასაც ვაკეთებთ. ჩვენ გვჭირდება ამოხსნა იმისა, საით უნდა წავიდეთ მომავალში. დარწმუნებული ვარ, იქნება ადამიანების ძალიან ვიწრო წრე, რომელიც ამ დიალოგში ჩართვას ვერ მოახერხებს, მაგრამ ეს წრე უნდა იყოს ძალიან ვიწრო“, - განაცხადა კვირიკაშვილმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს