ზურაბ აბაშიძე ჟენევის მოლაპარაკებებში ჩართვასთან დაკავშირებით პრემიერის განცხადებას საინტერესო და სწორ ინიციატივად აფასებს

საქართველოს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე ჟენევის მოლაპარაკებებში ჩართვასთან დაკავშირებით პრემიერის განცხადებას საინტერესო და სწორ ინიციატივად აფასებს.

ზურაბ აბაშიძემ ”ინტერპრესნიუსთან” საუბარში შეაფასა გიორგი კვირიკაშვილის განცხადება, რომელმაც მზადყოფნა გამოთქვა, რომ ჟენევის დისკუსიებში პირადად ჩაერთოს.

”ჟენევის მოლაპარაკებებში მე ჩართული არ ვარ. თუმცა თუ რაიმე იქნება საჭირო ჩემი მხრიდან ამ მიმართულებით, მე მზად ვარ. ვფიქრობ, საინტერესო და სწორი მოსაზრება და ინიციატივაა. თუ იქნება რაიმე დავალება, რა თქმა უნდა, გადაიდგმება შესაბამისი ნაბიჯები”, - განაცხადა ზურაბ აბაშიძემ.

გიორგი კვირიკაშვილი ჟენევის დისკუსიების ფორმატის მინისტრის დონეზე ამაღლების და მასში პირადად ჩართვის მზადყოფნას გამოთქვამს. ეს განცხადება კვირიკაშვილმა გუშინ, ფრაქცია „საქართველოს პატრიოტებთან“ შეხვედრაზე გააკეთა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს