მთაწმინდის პარკში, ”ეშმაკის ბორბლის” სარეკონსტრუქციო სამუშაოების დროს დაშავებული მამაკაცის ჯანმრთელობის მდგომარეობა სტაბილურია, - ამის შესახებ „ინტერპრესნიუსს“ კლინიკა „ნიუ ჰოსპიტალის“ დირექტორმა გიორგი კორძახიამ განუცხადა.
შეგახსენებთ, რომ მთაწმინდის პარკში მომხდარი უბედური შემთხვევის შედეგად ერთი ადამიანი გარდაიცვალა, ერთი კი დაშავდა. ის მკურნალობას „ნიუ ჰოსპიტალში” გადის.
შემთხვევა გუშინ, ”ეშმაკის ბორბლის” სარეკონსტრუქციო სამუშაოების მიმდინარეობისას მოხდა.
როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.