ნუკრი ქანთარია გიორგი კვირიკაშვილს - მტრები გამოჩნდნენ და ბევრი შხამითაც არიან გავსებულები, რაც ნიშნავს, რომ სწორად მიგყავთ საქმე

როდესაც ეს თანამდებობა დაიკავეთ, არ ჩანდა, რომ მტრები გყავდათ. ახლა კი ისინი საკმაოდ გამოჩნდნენ და ბევრი შხამითაც არიან გავსებულები, რაც იმის მიმანიშნებელია, რომ სწორად მიგყავთ საქმე და დარწმუნებული ვარ, მათ ეს შხამი თვითონვე მოინელებთ, - ასე მიმართა საქართველოს პრემიერ-მინისტრობის კანდიდატ გიორგი კვირიკაშვილს საპარლამენტო უმრავლესობის წევრმა ნუკრი ქანთარიამ პლენარულ სხდომაზე. მისი თქმით, გიორგი კვირიკაშვილი ”ძალიან კარგი” პრემიერ-მინისტრია.

”მინდა დიდი მადლობა გითხრათ ადამიანური, ყოველგვარი პათეტიკის გარეშე, წარმოდგენილი ანგარიშისთვის. თუ არ ვცდები მეხუთედ მიხდება მთავრობისთვის ნდობის გამოცხადება და მინდა გითხრათ, რომ ყოველი ნდობის შემდეგ გარკვეული ეტაპები იწყებოდა ხოლმე. მე ღრმად ვარ დარწმუნებული, ახლა იწყება სწორედ ძალიან მნიშვნელოვანი ეტაპი ამ სტრუქტურული გაერთიანების შემდეგ. ჩემი ნაცხოვრები წლები მაძლევს საშუალებას ვთქვა, რომ თქვენ ხართ მართლაც ძალიან კარგი პრემიერ-მინისტრი. როდესაც ეს თანამდებობა დაიკავეთ, არ ჩანდა, რომ მტრები გყავდათ. ახლა კი ისინი საკმაოდ გამოჩნდნენ და ბევრი შხამითაც არიან გავსებულები, რაც იმის მიმანიშნებელია, რომ სწორად მიგყავთ საქმე და დარწმუნებული ვარ, მათ ეს შხამი თვითონვე მოინელებთ”, - განაცხადა ქანთარიამ.

ის ასევე დაინტერესდა, თუ რატომ არ არის უფრო მეტად წარმოდგენილი მთავრობაში პარტიული აქტივი.

”თქვენ ბრძანდებით მმართველი პარტიის თავმჯდომარე. ფიქრობთ თუ არა, რომ პარტიული რესურსის გამოყენება უფრო მეტად უნდა მოხდეს?. რამდენადაც ვიცი, კაბინეტს თუ გადავხედავთ, მხოლოდ ბატონი სოზარია პარტიის წევრი. ფიქრობთ თუ არა მომავალში, რომ პარტიული რესურსი აუცილებლად გამოსაყენებელია?”, - განაცხადა ქანთარიამ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა