„ოპტიმალ მედის“ სამედიცინო დირექტორი - შსს-ს დაჭრილი თანამშრომლის მდგომარეობა სტაბილურია, ამ ეტაპზე სიცოცხლისთვის საშიში მდგომარეობა არ იკვეთება

დაცვის პოლიციის ტერიტორიაზე გუშინ დაჭრილი შსს-ს თანამშრომლის მდგომარეობა სტაბილურია, ამ ეტაპზე მისი სიცოცხლისთვის საშიში მდგომარეობა არ იკვეთება, - ამის შესახებ „ინტერპრესნიუსს“ კლინიკა „ოპტიმალ მედის“ სამედიცინო დირექტორმა გიორგი შათირიშვილმა განუცხადა.

როგორც მან აღნიშნა, პაციენტს გულ-მკერდის მარცხენა მხარეს ჰქონდა ნაკვეთ-ნაჩხვლეტი მრავლობითი ჭრილობა, მას გუშინვე სასწრაფოდ ჩაუტარდა ოპერაცია და ყველა სასიცოცხლო ფუნქცია აღდგა.

„ამ დროისთვის მდგომარეობა დამაკმაყოფილებელია. აბსოლუტურად სტაბილურია. მოიხსნა მართვითი სუნთქვის აპარატიდან და რჩება კვლავ რეანიმაციულ განყოფილებაში. შეიძლება ითქვას, რომ მისი სიცოცხლისთვის საშიში მდგომარეობა ამ ეტაპზე არ იკვეთება“, - განაცხადა გიორგი შათირიშვილმა.

დაცვის პოლიციის ტერიტორიაზე შსს-ს თანამშრომელი დაჭრილი იპოვეს. როგორც „ინტერპრესნიუსს“ თვითმხილველებმა განუცხადეს, შემთხვევა თრიალეთის ქუჩაზე მოხდა. პოლიციის თანამშრომელი დაჭრილი ავტოსადგომზე ნახეს. მას ცივი იარაღით ჭრილობები გულ-მკერდის არეში აქვს მიყენებული. როგორც „ინტერპრესნიუსს“ შსს-ში განუცხადეს, გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის დაზიანებას გულისხმობს.

პოლიციის თანამშრომლის დაჭრის ზუსტი მიზეზი უცნობია, თუმცა შინაგან საქმეთა მინისტრის გიორგი გახარიას ინფორმაციით, ეს იყო თვითდაზიანება.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო