დევნილები, რომლებმაც ახალაშენებულ კორპუსში ბინები ვერ მიიღეს, გორის ადმინისტრაციულ შენობაში შეიჭრნენ

ამ წუთებში გორის ცენტრში მდებარე ადმინისტრაციულ შენობაში ხმაურია. როგორც „ინტერპრესნიუსის“ კორესპონდენტი ადგილიდან იუწყება, ათობით დევნილი ლტოლვილთა და განსახლების მინისტრის, სოზარ სუბარის გორში ჩასვლას ითხოვს.

დევნილთა სამინისტრომ გუშინ გამოაქვეყნა იმ დევნილების სია, რომლებიც გორში აშენებული მრავალსართულიან კორპუსებში 1, 2 და 3 ოთახიან ბინებს მიიღებენ. ადმინისტრაციულ შენობაში შეკრებილები აცხადებენ, რომ სიების შედგენა უსამართლოდ მოხდა და ათობით ისეთი ადამიანი დარჩა უბინაოდ, ვისაც იმედი ჰქონდა, რომ წელს საცხოვრებელი ფართით დაკმაყოფილდებოდა.

აღნიშნულ დევნილებს საკუთარი სახლების დატოვება აფხაზეთსა და ცხინვალის რეგიონში 90-იან წლებში მოუხდათ. ამ წლების განმავლობაში კი ნათესავებთან, ყოფილი სასტუმროების შენობებში და სხვადასხვა ფართში ცხოვრობდნენ. დევნილები აცხადებენ, რომ არ დაიშლებიან, ვიდრე სამინისტროს წარმომადგენლები არ შეხვდებიან და კონკრეტულ პასუხს არ გასცემენ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 27.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
სამედიცინო სერვისებზე მნიშვნელოვანი შეღავათების გაცემა დაიწყო
2 წლის შედეგებით Domenebi.ge უმსხვილესი დამოუკიდებელი რეგისტრატორია
ფინკა ბანკი - ძლიერი ფინანსური მაჩვენებლები და საერთაშორისო პარტნიორები ახალი გამოწვევების საპასუხოდ