ზუგდიდის მთავარი ნაძვის ხე საზეიმოდ აინთო

ზუგდიდის მთავარი ნაძვის ხე საზეიმოდ აინთო. ცერემონიას ქალაქის მერი ლაშა გოგია ოჯახთან ერთად დაესწრო. მან ზუგდიდელებს დამდეგი ახალი წელი მიულოცა და ეკონომიკური აღმავლობა უსურვა.

„მინდა მთელ საქართველოს და განსაკუთრებით, ზუგდიდელებს ახალი წელი წინასწარ მივულოცო. დაე, 2018 წელი იყოს ეკონომიკური წინსვლისა და წარმატებების წელი“, - აღნიშნა მერმა.

ღონისძიებას სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების სხვა წარმომადგენლები დაესწრნენ.