სოფიო კილაძე - საპოლიციო კონტროლი არის მნიშვნელოვანი და დროული

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, სოფიო კილაძის განცხადებით, ქვეყნის მასშტაბით დაწყებული საპოლიციო კონტროლის მიზანს დანაშაულის პრევენცია წარმოადგენს. როგორც კილაძემ ჟურნალისტებს განუცხადა, ეს კონტროლი არის დროული.

„ჩვენ, როდესაც 2013 წელს დავიწყეთ მუშაობა ”პოლიციის შესახებ” ახალ კანონზე, მკაცრად გაიწერა საპოლიციო კონტროლი. როგორც ღონისძება, ეს კონტროლი არის დეტალურად გაწერილი კანონში და შესაბამისად, პირველი მიზანი ამ საპოლიციო კონტროლის არის პრევენცია. შესაბამისად, მგონია, რომ ეს პრევენციული ღონისძიებები იყო დროული. ვიცით, რომ რიგ დანაშაულებებს ჰქონდა ადგილი, მათ შორის დიდი ტრაგედია, რაც უკავშირდებოდა ბავშვებს. ამიტომ, ვიდრე, რაიმე შედეგი დადგება, უნდა ჩაერთოს პოლიცია. მგონია, ეს საპოლიციო კონტროლი, რომელიც დაანონსდა, არის მნიშვნელოვანი და დროული. მივესალმები, თუ ასეთი ღონისძებები პერიოდულად ჩატარდება“, - განაცხადა სოფიო კილაძემ.

შსს–მ პრევენციის მიზნით, რეგიონებსა და თბილისში საპოლიციო კონტროლის განხორციელება დაიწყო.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს