გლდანის პარკში წინასაახალწლო კონცერტი გაიმართა. როგორც „ინტერპრესნიუსს“ თბილისის მერიიდან აცნობეს, თბილისის მერი კახა კალაძე, მოადგილეებთან და გლდანის რაიონის გამგებელ ბექა მიქაუტაძესთან ერთად, გლდანის პარკში, წინასაახალწლო კონცერტს დაესწრო.

გლდანის რაიონის გამგეობის ორგანიზებით, პარკში ბავშვებისა და უფროსებისთვის წარმოდგენები გაიმართა. მათ განწობაზე ანიმაციური გმირები, თოჯინების თეატრი, ილუზიონისტები და მხიარული წამყვანები ზრუნავდნენ.

მერიის ინფორმაციით, ღონისძიება პარკში მთელი დღის განმავლობაში მიმდინარეობდა, დღის ბოლოს კი ესტრადის ვარსკვლავების მონაწილეობით დასკვნითი კონცერტი გაიმართა.