სასტუმრო "რუმს თბილისში" ხანძარია

თბილისში, სასტუმრო "რუმს თბილისში" ხანძარია. როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ადგილზე მობილიზებულია 15 სახანძრო მანქანა და მიმდინარეობს ხანძრის ლოკალიზების სამუშაოები. მოქალაქეები "სასტუმროდან" ევაკუირებულნი არიან. ამ დროისთვის არსებული ინფორმაციით, ხანძრის შედეგად არავინ დაშავებულა.