რთული მეტეოროლოგიური პირობების გამო მცხეთა-სტეფანწმინდა-ლარსზე გაჩერებულ მგზავრებს საკვები პროდუქტები ურიგდებათ

რთული მეტეოროლოგიური პირობებით გამოწვეული ზვავსაშიშროების გამო მცხეთა-სტეფანწმინდა-ლარსის გზაზე გაჩერებულ მძღოლებს და მგზავრებს საკვები პროდუქტი ურიგდებათ.

რეგიონული განვითარებისა და ინფრასტრუქტურის სამინისტროს ინფორმაციით, აღნიშნული საავტომობილო გზის სხვადასხვა მონაკვეთზე სპეციალური რეჟიმები მოქმედებს. მათივე ინფორმაციით, საავტომობილო გზების დეპარტამენტი ინტენსიურად აგრძელებს გზის გაწმენდითი სამუშაოებს, რათა უახლოეს პერიოდში ყველა მიმართულებით საავტომობილო მიმოსვლა აღდგეს.

მგზავრებს და მძღოლებს, რომლებიც აღნიშნული პრობლემის გამო ვერ ახერხებენ გადაადგილებას ადგილობრივი მუნიციპალიტეტი საკვები პროდუქტებით პერიოდულად ამარაგებს. ასევე, რამდენიმე ადგილას განთავსდა ბიო- ტუალეტები.

ადგილზე იმყოფებოდნენ მცხეთა-მთიანეთის გუბერნატორი და დუშეთის მუნიციპალიტეტის მერი.

საგანგებო რეჟიმში მუშაობენ ცენტრალური და ადგილობრივი შესაბამისი სამსახურები, მცხეთა-მთიანეთის სამხარეო და საპატრულო პოლიციის თანამშრომლები.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს