საქართველოს პროკურატურა დავით ასათიანს ადვოკატთა ასოციაციის თავმჯდომარედ არჩევას ულოცავს

საქართველოს პროკურატურა ულოცავს დავით ასათიანს ადვოკატთა ასოციაციის თავმჯდომარედ არჩევას და პროფესიულ საქმიანობაში წარმატებას უსურვებს.

ამის შესახებ „ინტერპრესნიუსს“ საქართველოს მთავარი პროკურატურიდან აცნობეს.

„ადამიანის უფლებების დაცვასა და სამართლის უზენაესობის განმტკიცებაში ადვოკატების საქმიანობა მნიშვნელოვან როლს ასრულებს.

ჩვენი ქვეყნის მართლმსაჯულების სისტემის განვითარება ძლიერი, დამოუკიდებელი და თავისუფალი ადვოკატთა კორპუსის გარეშე შეუძლებელია.

საქართველოს პროკურატურა მზადყოფნას გამოთქვამს თანასწორობისა და დამოუკიდებლობის პრინციპებზე დაყრდნობით, ადვოკატთა კორპუსთან გააღრმავოს თანამშრომლობა ადამიანის უფლებათა და კანონის უზენაესობის დაცვის, პროფესიული განვითარებისა და სასამართლო პრაქტიკის განზოგადების კუთხით“, - აღნიშნულია პროკურატურის განცხადებაში.

დავით ასათიანი ადვოკატთა ასოციაციის თავმჯდომარედ 24 დეკემბერს აირჩიეს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა