მახსოვს თქვენი სიტყვები იმის შესახებ, რომ ჩვენ ჩვეულებრივი მეზობლები არ ვართ, ჩვენ ვართ ძმები, რომლებმაც ათასწლეულები გავიარეთ და მადლობა ღმერთს, ამ დროის განმავლობაში არ მომხდარა არაფერი ისეთი, რასაც შეეძლო ჩრდილი მიეყენებინა ჩვენი ურთიერთობებისთვის, - ამის შესახებ სომხეთის პრეზიდენტმა სერჟ სარგსიანმა სრულიად საქართველოს კათოლიკოს-პატრიარქთან შეხვედრაზე განაცხადა.

სომხეთის პრეზიდენტმა ილია მეორეს აღსაყდრებიდან 40 წლის იუბილე მიულოცა.

„მინდა მადლობა გადაგიხადოთ ჩვენი ერის და პირადად ჩემს მაგივრად იმ ლოცვების, იმ პოზიციის გამო, რომელსაც თქვენ ყოველთვის ახმოვანებთ და რომელიც მიმართულია ჩვენი ერების მეგობრობაზე. მე მახსოვს თქვენი სიტყვები იმის შესახებ, რომ ჩვენ ჩვეულებრივი მეზობლები არ ვართ, ჩვენ ვართ ძმები, რომლემაც ბევრი ათასწლეული გავიარეთ და მადლობა ღმერთს, ამ დროის განმავლობაში არ მომხდარა არაფერი ისეთი, რასაც შეეძლო ჩრდილი მიეყენებინა ჩვენი ურთიერთობებისთვის. ჩვენ მოვალენი ვართ და ასეც ვიქცევით, ამ ისტორიულ საფუძველზე დავაფუძნოთ დღეს სახელმწიფოთაშორისი ურთიერთობები, რომლებიც ვითარდება. გუშინდელი მოლაპარაკებები, დღევანდელი შეხვედრა, მე ვფიქრობ, ამის დადასტურებაა“, - განაცხადა სერჟ სარგსიანმა.