ფრაქციების ფორმირების საკითხთან დაკავშირებით, პარლამენტის თავმჯდომარე ირაკლი კობახიძესთან, სავარაუდოდ, კონსულტაციები მიმდინარეობს.

ამ წუთებში კობახიძის სამუშაო კაბინეტში შეკრებილი არიან პარლამენტის ბიუროს უმრავლესობის წევრები.

ამასთან, არსებული ინფორმაციით, აღნიშნული შეხვედრის დასრულების შემდეგ, პარლამენტში დაგეგმილია საპროცედურო საკითხთა და წესების კომიტეტის სხდომის გამართვა. წინასწარი ინფორმაციით, კომიტეტის სხდომა სწორედ ახალი ფრაქციების შექმნის საკითხს ეძღვნება.

უმრავლესობის ფარგლებში ორი ახალი ფრაქცია იქმნება, რომელსაც ბიძინა გეგიძე და გოჩა ენუქიძე უხელმძღვანელებენ. გარდა ამისა, დაგეგმილია უმრავლესობაში არსებულ ფრაქციებში ფრაქციის წევრების გადანაცვლება.