სპეცოპერაციის დროს დაჭრილი თემირლან მაჩალიკაშვილის სახლში ამ წუთებში ექსპერტ კრიმინალისტები მუშაობენ.

როგორც "ინტერპრესნიუსს" ოჯახის წევრებმა განუცხადეს, სპეციალისტები იმ ოთახში იმყოფებიან, სადაც მაჩალიკაშვილი დაჭრეს.

მათივე თქმით, ექსპერტებმა ტერიტორია დაათვალიერეს და გამოძიებისთვის საჭირო სისხლის ნიმუშებს იღებენ.

სუს-მა დღეს 5 პირი დააკავა, აქედან 4 პანკისში, ერთი კი თბილისში. ყველა მათგანს თბილისში, ბერი გაბრიელ სალოსის გამზირზე ჩატარებული სპეცოპერაციისას განეიტრალებულ პირებთან კავშირი და მათი დახმარება ედება ბრალად. პანკისში ჩატარებული სპეცოპერაციის დროს თემირლან მაჩალიკაშვილი დაიჭრა. მას თელავის რეფერალურ საავადმყოფოში ნეიროქირურგიული ოპერაცია უტარდება.