უკრაინის საიმიგრაციო სამსახურის წინააღმდეგ მიხეილ სააკაშვილის სარჩელის არსებითი განხილვა 3 იანვარს გაიმართება

უკრაინის საიმიგრაციო სამსახურის წინააღმდეგ საქართველოს ყოფილი პრეზიდენტის, მიხეილ სააკაშვილის სარჩელის არსებითი განხილვა 2018 წლის 3 იანვარს გაიმართება. შესაბამისი გადაწყვეტილება კიევის საოლქო ადმინისტრატიულმა სასამართლომ მიიღო.

„კიევის საოლქო ადმინისტრატიული სასამართლო 3 იანვარს, 15:00 საათზე, არსებითად განიხილავს სააკაშვილის სარჩელს საიმიგრაციო სამსახურის გადაწყვეტილებასთან დაკავშირებით“, - განაცხადა მოსამართლემ ტატიანა სკოჩოკმა.

მიხეილ სააკაშვილი თავის სარჩელში ითხოვს სახელმწიფო საიმიგრაციო სამსახურის გადაწყვეტილების გაუქმებას, რომელიც უკრაინაში დამატებითი დაცვის გამოყოფაზე უარის თქმას ეხება.