აჭარის უმაღლესი საბჭოს თავმჯდომარემ, დავით გაბაიძემ, ჯანმრთელობის დაცვისა და სოციალურ საკითხთა კომისიის თავმჯდომარემ ნუგზარ სურმანიძემ და უმაღლესი საბჭოს აპარატის წარმომადგენლებმა , ქედის მუნიციპალიტეტის მერთან, ლევან გორგილაძესთან და საკრებულოს თავმჯდომარე შუქრი თურმანიძესთან ერთად, ქედის სოფლებში მცხოვრებ 7 მრავალშვილიან და სოციალურად დაუცველ ოჯახს საახალწლო-საშობაო საჩუქრები მიუტანეს.

აჭარის უმაღლესი საბჭოს პრესსამსახურის ინფორმაციით, პროდუქტები და ტკბილეულობა ნამონასტრევის, კუჭულას, გობრონეთის, დოლოგნის, ძენწმანის, პირველი მაისისა და ჯალაბაშვილების მცხოვრებლებს გადაეცათ.

მათივე ინფორმაციით, ჯანმრთელობის დაცვისა და სოციალურ საკითხთა კომისიის ინიციატივა ამ დღეებში კვლავაც გაგრძელდება და უმაღლესი საბჭოს საშობაო-საახალწლო საჩუქრებს კიდევ რამდენიმე ოჯახი მიიღებს.