პანკისის ხეობის უხუცესთა კავშირის თავმჯდომარე - სპეცოპერაცია გასაგებია, მაგრამ მძინარე 19 წლის ბავშვს შუბლში რომ ტყვიას ესვრი, ეს არ არის ნორმალური
სოფელ დუისში უხუცესთა საბჭოს წევრები იკრიბებიან. საბჭო გეგმავს, პანკისის ხეობაში ჩატარებულ სპეცოპერაციასთან დაკავშირებით ხელისუფლებას განცხადებით მიმართოს.
"ჩვენ დღეს გავავრცელებთ მიმართვას, რომ შეწყდეს ამგვარი მოქმედება. სპეცოპერაცია გასაგებია, მაგრამ მძინარე 19 წლის ბავშვს შუბლში რომ ტყვიას ესვრი, ეს არ არის ნორმალური. ასევე ოჯახებში, სადაც შევიდნენ, იქ ცხოვრობენ ბავშვები და ქალები. ეს არ არის ნორმალური. თუ რომელიმე ადგილობრივი დამნაშავეა, მოხდეს მისი დაკავება კანონის ფარგლებში, ძალის გამოყენების გარეშე", - განუცხადა "ინტერპრესნიუსს" უხუცესთა კავშირის თავმჯდომარე ზელიმხან წუწაშვილმა.
