ე.წ. კანონიერი ქურდის, ზაქრო კალაშოვისგან ქრთამის აღების საქმეზე „როსნეფტის“ წარმომადგენელი დააკავეს

რუსეთის ФСБ-მ კომპანია „როსნეფტის“ იურიდიული განყოფილების ხელმძღვანელი, მოსკოვის საგამოძიებო კომიტეტის ცენტრალური ადმინისტრაციული ოლქის საგამოძიებო სამმართველოს ყოფილი ხელმძღვანელი ალექსეი კრამარენკო ე.წ. კანონიერი ქურდის ზაქარია კალაშოვისგან („შაქრო მალადოი“) ქრთამის აღების საქმეზე დააკავა. ამის შესახებ „რია ნოვოსტის“ სამართალდამცავ ორგანოებში საკუთარმა წყარომ განუცხადა.

„შაქრო მალადოისგან“ ქრთამის აღების საქმეზე დაკავებულია მოსკოვის საგამოძიებო კომიტეტის ცენტრალური ადმინისტრაციული ოლქის საგამოძიებო სამმართველოს ყოფილი ხელმძღვანელი, ამჟამად კი „როსნეფტის“ იურიდიული განყოფილების ხელმძღვანელი ალექსეი კრამარენკო“, - განუცხადა სააგენტოს წყარომ.

მისი თქმით, გამოძიება კრამარენკოსთვის აღკვეთის ღონისძიების შეფარდებას მოითხოვს.

კალაშოვი 2016 წელს ერთ-ერთი რესტორანის მფლობელის, ჟანა კიმისგან მსხვილი თანხის გამოძალვის ბრალდებით დააკავეს. სულ გამოძალვის საქმეზე 14 პირია ბრალდებული: 2 მათგანი შემდგომში მომხდარ ორმხრივ სროლას ემსხვერპლა, 11 დაკავებული, მათ შორის კალაშოვი და კრიმინალური ავტორიტეტი ანდრეი კოჩუიკოვი („იტალიელი“) წინასწარი დაკავების იზოლატორში არიან, შსს-ს უშიშროების სამსახურის მთავარი სამმართველოს ყოფილი თანამშრომელი, პოლკოვნიკი ევგენი სურჟიკოვი კი შინაპატიმრობაში იმყოფება.