საპარლამენტო უმრავლესობის ერთ-ერთი ლიდერის, მამუკა მდინარაძის განცხადებით, „ჩვენს ქვეყანაში გამოძიება იმ დონეზეა, რომ ამომწურავი პასუხი გაეცემა ყველა კითხვას“.

ასე პასუხობს მამუკა მდინარაძე სახალხო დამცველის განცხადებას, რომელსაც პანკინსში ჩატარებულ სპეცოპერაციასთან დაკავშირებით კითხვები აქვს.

"ზოგადად, პრევენციული ღონისძიებები არის ძალიან კარგი საზოგადოების უსაფრთხოებისთვის, ქვეყნის უსაფრთხოებისთვის. მთავარია, აქ არ დაირღვეს ადამიანის უფლებები, ბალანსი უსაფრთხოების და ადამიანის ინტერესებს შორის. ამ შემთხვევაში, თუკი რამე კითხვები არსებობს, ამაზე გამოძიება ყოველთვის სცემს პასუხს და დარწმუნებული ვარ, ჩვენს ქვეყანაში გამოძიება იმ დონეზეა, რომ ამომწურავი პასუხი გაეცემა ყველა კითხვას", - განაცხადა მამუკა მდინარაძემ.