ბათუმში, ლეხ და მარია კაჩენსკების ქუჩაზე მშენებარე ობიექტიდან 35-წლამდე ასაკის მამაკაცი გადმოვარდა. როგორც "ინტერპრესნიუსს" ბათუმის სასწრაფო-სამედიცინო დახმარების ცენტრში განუცხადეს, დაშავებული კონტაქტური იყო. მას თავის არეში დაზიანება აღენიშნება. იგი სასწრაფო დახმარების ბრიგადამ რეფერალურ საავადმყოფოში გადაიყვანა.

საქართველოს შინაგან საქმეთა სამინისტროს ინფორმაციით, მომხდართან დაკავშირებით გამოძიება "სისხლის სამართლის კოდექსის" 240-ე მუხლით მიმდინარეობს, რაც სამთო და სამშენებლო უსაფრთხოების წესების დარღვევას გულისხმობს.