რუსეთის პრეზიდენტმა ვლადიმერ პუტინმა, გუშინ სანკტ-პეტერბურგში მომხდარ აფეთქებას ტერაქტი უწოდა.

„თქვენ იცით, რომ გუშინ პეტერბურგში ტერორისტული აქტი მოხდა“, - განაცხადა პუტინმა სირიაში სამხედრო ოპერაციის წევრ ოფიცრებთან შეხვედრაზე.

რუსეთის პრეზიდენტის თქმით, მან უშიშროების ფედერალურის სამსახურის დირექტორ ალექსანდრე ბორტნიკოვს უთხრა, რომ ეჭვმიტანილთა დაკავებისას სამართალდამცველები კანონის ფარგლებში უნდა მოქმედებდნენ.

„მაგრამ თუ ჩვენი თანამშრომლების, ოფიცრების სიცოცხლეს ან ჯანმრთელობას საფრთხე დაემუქრება, საჭიროა გაბედული მოქმედება და ბოროტმოქმედების ადგილზე ლიკვიდირება, ტყვედ აყვანის გარეშე“, - აღნიშნა პუტინმა.

სანკტ-პეტერბურგში, კონდრატიევის გამზირზე მომხდარი აფეთქების შედეგად, 10-მდე ადამიანი დაშავდა. რუსული მედიის ინფორმაციით, აფეთქება ერთ-ერთ სუპერმარკეტში მოხდა.