კულტურის სამინისტროში, სადაც ამ წუთებში მინისტრი მიხეილ გიორგაძე მწერლებს, გამომცემლებსა და მთარგმნელებს ხვდება, მწერალი დათო ტურაშვილი შეუძლოდ გახდა, რის გამოც სასწრაფო დახმარების გამოძახება გახდა საჭირო. აღნიშნული ინფორმაცია „ინტერპრესნიუსს“ კულტურის სამინისტროს პრესსამსახურში დაუდასტურეს.

მათივე ინფორმაციით, მწერალი სიტყვით უნდა გამოსულიყო, თუმცა, მოულოდნელად ცუდად გახდა და სიტყვის თქმა ვერ შეძლო. მას მედიკოსებმა დახმარება ადგილზე აღმოუჩინეს. ამ ეტაპზე დათო ტურაშვილი თავს უკეთ გრძნობს და შეხვედრაში მონაწილეობას განაგრძობს.

კულტურის სამინისტროში შეხვედრა ფრანკფურტის წიგნის ბაზრობის საკითხზე იმართება. სავარაუდოდ, საუბრის ერთ-ერთი თემა პოეტ ზვიად რატიანის საქმეც არის. არსებული ინფორმაციით, შეხვედრას შინაგან საქმეთა მინისტრი გიორგი გახარიაც შეუერთდა.