„მილანის“ ყოფილი ფეხბურთელი და მსოფლიო ფეხბურთის ვარსკვლავი ჯორჯ ვეა ლიბერიის პრეზიდენტი გახდა. ამის შესახებ ბრიტანული BBC იუწყება.

ლიბერიის ეროვნული საარჩევნო კომისიის მონაცემებით, საპრეზიდენტო არჩევნების მეორე ტურში ჯორჯ ვეამ ამომრჩეველთა ხმების 61,5% მიიღო. აღსანიშნავია, რომ დათვლილია ბიულეტენების 98,1%. მისმა ოპონენტმა ჯოზეფ ბოაკაიმ კი ამომრჩეველთა ხმების 38,5% მოიპოვა.

1995-2000 წლებში ჯორჯ ვეა იტალიურ „მილანში“ თამაშობდა. 1995 წელს გახდა პირველი არაევროპელი ფეხბურთელი, რომელმაც მოიგო ოქროს ბურთი, ფიფა-მ კი დაასახელა მსოფლიოს წლის საუკეთესო ფეხბურთელად.