შინაგან საქმეთა მინისტრი გიორგი გახარია ამ წუთებში მესამე სექტორის წარმომადგენლებს ხვდება, - ამის შესახებ "ინტერპრესნიუსს" შსს-ში განუცხადეს.
შეხვედრა დახურულ ფორმატში მიმდინარეობს, რომელსაც არასამთავრობო ორგანიზაციების 10-მდე წარმომადგენელი ესწრება.
შინაგან საქმეთა სამინისტროში არ აკონკრეტებენ, რა საკითხთან დაკავშირებით ხვდება მინისტრი მესამე სექტორის წარმომადგენლებს. შეხვედრა სამინისტროში 18:00 საათზე დაიწყო.