ქალაქ დმანისის მიმდებარე ტერიტორიაზე, ფერდობზე გაჩენილი ხანძარი ამ დროისთვის უკვე ლიკვიდირებულია.

როგორც ,,ინტერპრესნიუსს" საგანგებო სიტუაციების მართვის სააგენტოში განუცხადეს, ცეცხლი ფერდობზე გამხმარ ბალახზე იყო გავრცელებული. ხანძრის ლიკვიდაციაზე 10-ზე მეტი მეხანძრე-მაშველი მუშაობდა.

მათივე ინფორმაციით, ცეცხლი არ გავრცელებულა ტყის მასივზე, მხოლოდ რამდენიმე ჰექტარი ტერიტორია დაიწვა, რომელსაც ადგილობრივები საძოვრებად იყენებენ.