გიორგი შარაშიძის ადვოკატი ფინანსთა სამინისტროს საგამოძიებო სამსახურს ტენდენციურობაში ადანაშაულებს

ფინანსთა სამინისტროს საგამოძიებო სამსახურს ბიზნესმენ გიორგი შარაშიძის ადვოკატი შოთა მანელიძე ტენდენციურობაში ადანაშაულებს.

მანელიძის განცხადებით, გამოძიებას არ წარმოუდგენია კონკრეტული გარემოებები და სამხილები, რაც კომპანია „კონსტრაქტ ვიჟენის“ შესაძლო გადაცდომებს ან დანაშაულებრივ ქმედებას უკავშირდება.

მისივე თქმით, ლილოს ტერიტორიაზე არსებულ მიწის ნაკვეთზე განლაგებული შენობების დემონტაჟთან დაკავშირებით არანაირი პასუხისმგებლობა არ ეკისრება კომპანიას, ვინაიდან სახელმწიფოს აღნიშნული ტერიტორია პირვანდელი სახით გადასცა.

„გამოძიება აშკარად ტენდენციურად მიმდინარეობს. გუშინ, დაახლოებით 4 საათის განმავლობაში ვიმყოფებოდით გამოკითხვაზე, რომელიც გაცნობით ხასიათს ატარებდა და არ წარმოუდგენიათ კონკრეტული გარემოებები და სამხილები. ჩვენს მხარეს ყველაზე მეტად სურს ობიექტურობის დადგენა იმ მიზეზებიდან გამომდინარე, რაც დაკავშირებულია ჩემი დაცვის ქვეშ მყოფის კომპანიის მიმართ. გვინდა, რომ ამ საქმეს სამართლებრივი ახსნა ვუპოვოთ. ცალსახაა, რომ „კონსტრაქტ ვიჟენი“ არაა აღნიშნულ ტერიტორიაზე შენობების დემონტაჟზე პასუხისმგებელი“, - განაცხადა შოთა მანელიძემ.

ალექსეი მალაშენკო - სირიაში ყველაფერი ისევ ისე იქნება, როგორც აქამდე იყო,  ბაშარ ასადის შესანარჩუნებლად მოსკოვს ანკარასთან და თეირანთან კომპრომისებზე წასვლა უწევს
ქართული პრესის მიმოხილვა 19.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
საქართველოს საგარეო პოლიტიკა - ნაბიჯები მომავლისკენ
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში