ხარკოვში, ფოსტის შენობაში მყოფი ბოროტმოქმედი დაკავებულია, ყველა მძევალი კი გათავისუფლებულია, - ამის შესახებ უკრაინული მედია იუწყება. მათივე ინფორმაციით, სპეცრაზმმა შენობაზე შტურმი გუშინ მიიტანა, რის შედეგადაც ბოროტმოქმედი გაუვნებელყოფილია.

უკრაინის ნაციონალური პოლიციის ხელმძღვანელის სერგეი კნიაზევის ინფორმაციით, მძევლების გათავისუფლების ოპერაციამ ექსცესების გარეშე ჩაიარა და დაშავებული არავინ არ არის.

ბოროტმოქმედმა ხარკოვში, ფოსტის შენობაში 11 მძევალი გუშინ საღამოს აიყვანა. მასთან მოლაპარაკებები რამდენიმე საათის განმავლობაში მიმდინარეობდა. შემთხვევის ადგილზე მობილიზებული იყო სპეცრაზმი და სასწრაფო დახმარების ბრიგადები.