ნიდერლანდებმა და ბელგიამ ტერიტორიების ნაწილი გაცვალა

ნიდერლანდებმა და ბელგიამ ტერიტორიების ნაწილი გაცვალა. 2018 წლიდან ამოქმედდა სახელმწიფოთაშორისო შეთანხმება, რომელმაც ნიდერლანდებსა და ბელგიას შორის საზღვარი შეცვალა. ამის შესახებ „დოიჩე ველე“ წერს.

ტერიტორიის გაცვლა გახდა უნიკალური შემთხვევა ომისშემდგომ ევროპაში, როდესაც ორი ქვეყანა მშვიდობიანად შეთანხმდა საზღვრის ცვლილებაზე, იმის გათვალისწინებით, რომ ნიდერლანდებმა ბელგიისგან უფრო დიდი ტერიტორია მიიღო. ბელგიამ 3 ჰექტარი ფართობის ნახევარკუნძული, ნიდერლანდებმა კი 16 ჰექტარი ფართობის ნახევარკუნძული მიიღო.

საზღვრის კორექტირების მიზეზი ნიდერლანდების ქალაქ ეისდენსა და ბელგიურ მუნიციპალიტეტ ვეზეს შორის, მდინარე მაასის კალაპოტის ცვლილება გახდა.

1960-80-იან წლებში მდინარე მაასზე ინჟინრული სამუშაოების შედეგად ყოფილი ბელგიური კუნძული ნიდერლანდებთან დაკავშირებულ ნახევარკუნძულად იქცა, ხოლო ნიდერლანდური კუნძული ფიზიკურად ბელგიას შეუერთდა. ვინაიდან ორივე ქვეყანა ევროკავშირის და შენგენის ზონაში შედის, რიგითი მცხოვრებლებისთვის ეს არანაირ პრობლემას არ წარმოადგენდა, მაგრამ ძალიან ურთულებდა საქმეს სამართალდამცავ სტრუქტურებს. შარშან ყოფილ ბელგიურ ნახევარკუნძულზე პოლიციამ გვამი აღმოაჩინა, ხოლო ბელგიის პოლიცია ტერიტორიაზე ნიდერლანდების ნებართვის გარეშე ვერ შედიოდა. ამის შემდეგ ქვეყნებმა ტერიტორიების გაცვლა გადაწყვიტეს.

ხათუნა ლაგაზიძე -  პარლამენტში მიმდინარე პროცესები იმის ტესტიც არის, თუ რად უღირს თანამედროვე დასავლურ პოლიტიკურ ელიტას საქართველო
ქართული პრესის მიმოხილვა 13.11.2019
მაია ბითაძე - ევროპამ 50 წლით გაგვისწრო, მაგრამ ნაბიჯ-ნაბიჯ ჩვენც მივყვებით
Volvo Art Night - ვოლვო საქართველო გლობალური მიზნების კვალდაკვალ (R)
Trade In! გადაცვალე ძველი ტექნიკა ახალში  - „ელიტ ელექტრონიქსის ახალი წამოწყება“
აღმოსავლეთ ევროპის უნივერსიტეტში საერთაშორისო სამეცნიერო ვორკშოპი - "საშიში ტრანსნაციონალური დანაშაულები და მასთან ბრძოლის ნაციონალური და ინტერნაციონალური სამართლებრივი გზები და საშუალებები” ჩატარდა
„სამ რაან სპა-ცენტრი“ ევროპის საუკეთესო სპად დასახელდა