თემირლან მაჩალიკაშვილის ოჯახი საქმეში დამოუკიდებელი ექსპერტის, მაია ნიკოლეიშვილის ჩართვას აპირებს. როგორც ოჯახის ადვოკატმა მარიამ კუბლაშვილმა ჟურნალისტებს განუცხადა, ნიკოლეიშვილთან დღეს გაფორმდება ხელშეკრულება და სავარაუდოდ, ხვალ ის მაჩალიკაშვილის სახლში იმუშავებს.

მარიამ კუბლაშვილის განცხადებით, ოთახში, სადაც მაჩალიკაშვილი დაჭრეს, დღეს მიდიან პროკურატურის წარმომადგებლები ექსპერტიზის ჩასატარებლად.

“დღეს დაიდება ხელშეკრულება და ჩვენ დავიწყებთ მტკიცებულებების მოპოვებას. ჩვენ დავუკავშირდით მაია ნოკოლეიშვილს და გვსურს, რომ ის ჩაერთოს პროცესში და დადოს დასკვნა.

მაჩალიკაშვილის სახლში მოხდება პროკურატურის მიერ დაწყებული გამოძიების ფარგლებში ექსპერტიზის ჩატარება. ჩვენი მხრიდან ექსპერტიზა კი სავარაუდოდ, ხვალიდან ჩატარდება. ტერიტორია არის ხელუხლებელი, ოთახი ნარჩუნდება ისეთ მდგომარეობაში, როგორშიც იყო”, - განაცხადა მარიამ კუბლაშვილმა.