უხუცესთა კავშირის თავმჯდომარე - სუს-ის მიერ ჩვენთვის ნაჩვენებ ვიდეოში მხოლოდ ახალგაზრდების მაღაზიაში გადაადგილებისა და მობილური ტელეფონების ყიდვის კადრებია ასახული

პანკისის ხეობაში 26 დეკემბერს ჩატარებული სპეცოპერაციის ობიექტურ და დროულ გამოძიებას ითხოვენ.როგორც "ინტერპრესნიუსს" უხუცესთა კავშირის თავმჯდომარე ზელიმხან წუწაშვილმა განუცხადა, ის იმყოფებოდა სახელმწიფო უსაფრთხოების სამსახურის მიერ გამართულ შეხვედრაზე და შეხვედრზე ნაჩვენებ ვიდეომასალაში, მხოლოდ ახალგაზრდების მაღაზიაში გადაადგილებისა და მობილური ტელეფონების ყიდვის კადრებია ასახული. რაც შეეხება აუდიო ფაილს, სადაც, სავარაუდოდ, სხვადასხვა ობიექტების აფეთქებებზე იყოს საუბარი, წუწაშვილის განცხადებით, ფაილიდან ხმა არ ისმოდა, რის გამოც დასკვნის გაკეთება რთულია.

რამდენიმე დღის წინ უხუცესებმა სპეციალური მიმართვა შეიმუშავეს, სადაც მათი ერთ- ერთი მთავარი მოთხოვნა საქმის ობიექტური გამოძიებაა.