პატიმარმა ქალებმა პატრიარქს იუბილე მიულოცეს

სასჯელაღსრულებისა და პრობაციის სამინისტროს N5 პენიტენციურ დაწესებულებაში სრულიად საქართველოს კათოლიკოს-პატრიარქის, უწმინდესისა და უნეტარესი ილია მეორის 85 წლის იუბილისადმი მიძღვნილი საღამო გაიმართა.

როგორც „ინტერპრესნიუსს“ სასჯელაღსრულებისა და პრობაციის სამინისტროდან აცნობეს, ქალმა მსჯავრდებულებმა სპეციალურად დღევანდელი დღისთვის მომზადებული პერფორმანსი წარადგინეს, რომლის ფარგლებშიც საგალობლები, სხვადასხვა ჟანრის მუსიკალური ნომრები და ნაციონალური ცეკვები შეასრულეს. N5 პენიტენციური დაწესებულების დირექტორის, ნესტან ვერულაშვილის განცხადებით, მსჯავრდებულები უწმინდესის მხარდაჭერას მუდმივად გრძნობენ, რასაც განსაკუთრებულ მნიშვნელობას ანიჭებენ.

„ქალბატონებმა გამოთქვეს სურვილი პატრიარქს მიულოცონ იუბილე, რაც ძალიან ნიშანდობლივია, რადგან ისინი მუდამ გრძნობენ ჩვენი უწმინდესის სიყვარულს. სწორედ მისი ლოცვა-კურთხევით საზრდოობენ ქალბატონები,“ - აღნიშნა ნესტან ვერულაშვილმა.

მსჯავრდებულებმა საქართველოს კათოლიკოს-პატრიარქს სულიერი მხნეობა და დღეგრძელობა უსურვეს.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა