ამერიკის შეერთებული შტატების პრეზიდენტი როდესაც ამბოხებულებს შესაფერისი დროის დადგომისას დიდ მხარდაჭერას ჰპირდება, ჩემი აზრით, ეს გაერო-ში განსახილველად ისეთივე მნიშვნელოვანი საკითხია, როგორც ირანში მიმდინარე მოვლენები, - ამის შესახებ ТАСС-ს რუსეთის სახელმწიფო საბჭოს საერთაშორისო ურთიერთობების კომიტეტის უფროსმა კონსტანტინე კოსაჩევმა განუცხადა.
მისი თქმით, ის მხარს უჭერს გაერო-ში ირანის წარმომადგენელის პოზიციას, რომელმაც უკვე მიმართა საჩივრით გაერო-ს და აშშ ირანის შიდა საქმეებში „უსირცხვილო ჩარევასა“ და ძალადობისკენ წაქეზებაში დაადანაშაულა.
„ჩემი აზრით, ეს პოზიცია მხარდაჭერას იმსახურებს. არ შეიძლება თავის მოკატუნება, თითქოს შეერთებულ შტატებს ყოველთვის და ყველგან შეუძლია ასეთი განცხადებებით სხვა ქვეყნებში ანტისამთავრობო აქციების წაქეზება“, - განაცხადა კოსაჩევმა.