უფლებადამცველი მამუკა ტუსკაძე და საფინანსო კომპანია "საქართველოს" ორი მეანაბრე ეროვნული ბანკის წარმომადგენელთან შესახვედრად შევიდნენ.

საფინანსო კომპანიის მიერ დაზარალებულები ეროვნულ ბანკთან აქციას დილიდან მართავენ. ისინი მოითხოვენ, რომ ეროვნულმა ბანკმა დაზარალებულებს შესთავაზოს გამოსავალი პრობლემური სიტუაციიდან.

როგორც აქციის მონაწილეები აცხადებენ, ასობით ადამიანია დაზარალებული და ათობით კი გარდაცვლილი, რომელთა ნაწილმაც სიცოცხლე თვითმკვლელობით დაასრულა.