საფრანგეთში 3 იანვარს, ქარიშხალ „ელეანორს“ სულ ცოტა სამი ადამიანი ემსხვერპლა, 26 დაშავებულია, ხოლო ერთი ადამიანი დაკარგულად ითვლება, - ამის შესახებ ინფორმაცია ფრანგულმა გამოცემა Agence France Presse გაავრცელა.
სინოპტიკოსების ინფორმაციით, დღეს საფრანგეთის 25 ოლქში ძლიერი ქარი და წვიმაა მოსალოდნელი. ქვეყნის აღმოსავლეთ, ჩრდილოეთ და სამხრეთ დასავლეთის 18 ოლქში კი მოსალოდნელი წყალდიდობების გამო მეტეოროლოგიური საფრთხის ბოლოსწინა საფეხურია გამოცხადებული.
დღეს ალპებში სინოპტიკოსები ზვავის ჩამოწოლას ვარაუდობენ. ზამთრის კურორტებისკენ მიმავალი გზების დიდი ნაწილი კი დაკეტილია. ბოლო სამი თვის განმავლობაში „ელეანორი“ საფრანგეთში დაფიქსირებული უკვე მეოთხე ქარიშხალია.