თურქეთში საქართველოს მოქალაქე დააკავეს, რომელიც პროსტიტუციაში იძულებით იყო ჩართული

თურქეთში, ანტალიის პროვინციის ქალაქ ალანიაში პროსტიტუციისთვის საქართველოს მოქალაქე დააკავეს. ამის შესახებ „მილიეტი“ წერს.

პოლიციის მიერ ჩატარებული საგამოძიებო მოქმედებების შედეგად დაკავებულია 21 წლის ალპასლან ე., რომელიც საქართველოს მოქალაქე 30 წლის გ.ა.-ს, უზბეკეთის მოქალაქეებს, 35 წლის ზ.თ.-ს და 32 წლის ხ.ა.-ს აიძულებდა პროსტიტუციით დაკავებულიყვნენ.

დაკავებულ ქალებს დეპორტაციისთვის ამზადებენ, ალპასლან ე.-ს კი სასამართლომ 8 წლით თავისუფლების აღკვეთა მიუსაჯა.