საქართველო ბირთვული კვლევების ევროპის ცენტრის ასოცირებული წევრი გახდება

საქართველო ბირთვული კვლევების ევროპის ცენტრის (CERN) ასოცირებული წევრი გახდება, - ამის შესახებ განათლებისა და მეცნიერების მინისტრმა მიხეილ ჩხენკელმა პარლამენტის მეცნიერებისა და კულტურის კომიტეტის თავმჯდომარე მარიამ ჯაშთან ერთად პარლამენტში ცერნის (CERN) ბირთვული კვლევების ცენტრში მოღვაწე ქართველ მეცნიერებთან შეხვედრის დასრულების შემდეგ განაცხადა.

პარლამენტის მეცნიერებისა და კულტურის კომიტეტის თავმჯდომარის მარიამ ჯაშის განცხადებით, დღეისთვის ცერნში 22 წევრი და 4 ასოცირებული წევრი სახელმწიფოა გაწევრიანებული.

„სამწუხაროდ, უმეტესობა ჩვენი მეცნიერებისა, რომლებიც მუდმივად ძალიან წარმატებით მოღვაწეობენ ცერნში, არ არიან საქართველოს სახელით წარმოდგენილები და საქართველოს ასოცირებული წევრობა მოგვცემს საშუალებას, რომ საქართველო უფრო წარმოჩინდეს, როგორც ასოცირებული წევრი სახელმწიფო და ასევე გაფართოვდეს როგორც სამეცნიერო, ასევე კვლევითი ერთობლივი პროექტების პერსპექტივები. საუბარია თებერვლის შუა რიცხვებში მინისტრთან ერთად ცერნში ერთობლივ ვიზიტზე, სადაც ჩვენ შევხვდებით ბირთვული კვლევების ცენტრის ხელმძღვანელ პირებს და დიდი იმედი გვაქვს, რომ 2018 წელს ჩვენ დავასრულებთ საქართველოს ასოცირებული წევრობის სტატუსის მიღების პროცედურებს. ეს იქნება უნიკალური შესაძლებლობა როგორც სტუდენტებისთვის და, რა თქმა უნდა, ქართველი მეცნიერებისთვის“, - განაცხადა მარიამ ჯაშმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან