მაია ნიკოლეიშვილმა თემირლან მაჩალიკაშვილის საცხოვრებელ სახლში მუშაობა უკვე დაასრულა

დამოუკიდებელმა ექსპერტმა მაია ნიკოლეიშვილმა თემირლან მაჩალიკაშვილის საცხოვრებელი სახლი უკვე დატოვა. როგორც მაია ნიკოლეიშვილმა ჟურნალისტებს განუცხადა, თემირლან მაჩალიკაშვილის საძინებელში შენარჩუნებულია სროლის ტრაექტორიის განსაზღვრა, ასევე არის სისხლის გარკვეული კვალი, რაც ნიკოლეიშვილის თქმით, მნიშვნელოვანია ექსპერტიზის საბოლოო შედეგისთვის.

როგორც ნიკოლეიშვილმა აღნიშნა, შემთხვევის ადგილს სახეცვლილება არ აქვს. სხვა დამატებით დეტალებზე დამოუკიდებელმა ექსპერტმა განმარტება არ გააკეთა, რადგან, მისი თქმით, თემირლან მაჩალიკაშვილს ამ შემთხვევაში არც ბრალდებულის და არც დაზარალებულის სტატუსი ჯერ არ აქვს და ამიტომ, რაიმე დამატებითი ინფორმაციის თქმა არასწორია.