ადვოკატის ინფორმაციით, რუსლან ალდამოვმა ბერი გაბრიელ სალოსის ქუჩაზე ლიკვიდირებული ერთ-ერთი პირი ფოტოებზე ამოიცნო

პანკისის ხეობაში სპეცოპერაციის დროს დაკავებული რუსლან ალდამოვი უარყოფს ახმედ ჩატაევთან და მისი ჯგუფის წევრებთან საქმიან კავშირს, თუმცა, მან ამოიცნო ერთ-ერთ ფოტოსურათზე ჩეჩენი ეროვნების პიროვნება, რომელიც ბერი გაბრიელ სალოსის ქუჩაზე სპეცოპერაციის დროს არის ლიკვიდირებული, - ამის შესახებ პანკისის ხეობაში სპეცოპერაციის დროს დაკავებული რუსლან ალდამოვის ადვოკატმა მარიამ კუბლაშვილმა ჟურნალისტებს განუცხადა.

ადვოკატის ინფორმაციით, მან საკუთარი დაცვის ქვეშ მყოფს აჩვენა წინასწარი გამოძიების დროს წარმოდგენილი სპეცოპერაციის დროს ლიკვიდირებულების ფოტოსურათები, შესაბამისად, რუსლან ალდამოვმა აღნიშნა, რომ ერთ-ერთ პირთან შეხება ჰქონია.

„მე რუსლან ალდამოვს ვანახე წინასწარი გამოძიების დროს წარმოდგენილი ჩეჩენი ეროვნების პირების ფოტოსურათები და რუსლან ალდამოვმა ერთ-ერთი მათგანი თითქოს ამოიცნო და აღნიშნა, რომ მისთვის არ იყო უცხო. თუმცა, მან ასევე აღნიშნა, რომ მიუხედავად იმისა, სადღაც შეხვედრია, მას წარმოდგენა არ შეიძლება ჰქონოდა მისი საქმიანობის შესახებ“, - განაცხადა მარიამ კუბლაშვილმა.

ადვოკატი არ ასახელებს, რომელი პირი ამოიცნო რუსლან ალდამოვმა, თუმცა ამბობს, რომ ეს არ იყო ახმედ ჩატაევი.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 21.08.2019
გავლენის ოპერაციები ანუ „მკვლელობათა ჯაჭვი“