ზურაბ პატარაძე და დავით გაბაიძე ქრისტეშობის სადღესასწაულო წირვას ბათუმის ღვთისმშობლის შობის ტაძარში დაესწრნენ

აჭარის მთავრობის თავმჯდომარე ზურაბ პატარაძე, მეუღლესთან ერთად, ასევე, აჭარის უმაღლესი საბჭოს თავმჯდომარე დავით გაბაიძე ქრისტეშობის სადღესასწაულო წირვას ბათუმის ღვთისმშობლის შობის ტაძარში დაესწრნენ.

როგორც „ინტერპრესნიუსს“ აღნიშნული უწყებების პრესსამსახურებიდან აცნობეს, საშობაო ლიტურგია ბათუმისა და ლაზეთის მიტროპოლიტმა მეუფე დიმიტრიმ აღავლინა. სადღესასწაულო წირვას ბათუმში საქართველოს თავდაცვის მინისტრი ლევან იზორია, ქალაქ ბათუმის მერი ლაშა კომახიძე, აჭარის განათლების, კულტურისა და სპორტის მინისტრი ინგა შამილიშვილი ესწრებოდნენ. ზურაბ პატარაძემ მართლმადიდებლებს შობის ბრწყინვალე დღესასწაული მიულოცა.

„მინდა მივულოცო შობის ბრწყინვალე დღესასწაული ჩვენს რეგიონს, ჩვენს ქვეყანას, სრულიად საქართველოს. სიკეთის, განვითარების, მშვიდობის და სიხარულის მომტანი ყოფილიყოს ეს დღე ჩვენი ხალხისთვის“, - განაცხადა ზურაბ პატარაძემ.

საშობაო ლიტურგიის დაწყებამდე, აჭარის მთავრობის თავმჯდომარე, სხვა ოფიციალურ პირებთან ერთად, ბათუმისა და ლაზეთის მიტროპოლიტის რეზიდენციაში იმყოფებოდა სტუმრად.