კლინიკა „რუსთავის" სამშობიარო განყოფილების უფროსის ბადრი გელენავას განცხადებით, ერთ-ერთ საცხოვრებელი კორპუსის სადარბაზოში ნაპოვნი ჩვილის ჯანმრთელობის მდგომარეობა სტაბილურია და მის სიცოცხლეს საფრთხე არ ემუქრება. როგორც ბადრი გელენავამ ,,ინტერპრესნიუსთან" საუბარში განაცხადა, ჩვილს ყველა საჭირო გამოკვლევა ჩაუტარდა, კლინიკაში მიყვანისას სხეულის ტემპერატურა ნორმაში იყო.

„ჩვილი ამ დროისთვის ჩვენთან რჩება, ველოდებით სოციალურ სამსახურს და უახლოეს პერიოდში მოხდება ალბათ მისი გადაყვანა ჩვილ ბავშვთა სახლში", - განაცხადა ბადრი გელენავამ.

7 იანვარს, რუსთავში ერთ-ერთი საცხოვრებელი სახლის სადარბაზოში მოქალაქეებმა ჩვილი იპოვეს და სამართალდამცავებს შეატყობინეს. როგორც „ინტერპრესნიუსს" შსს-ში განუცხადეს, სისხლის სამართლის საქმე 127-ე მუხლით აღიძრა და მიმდინარეობს გამოძიება.